ଆଜିର ଭାଗବତ ବାଣୀ

 

ଓଁ ନମୋ ଭଗବତେ ବାସୁଦେବାୟ
__________________________
ମୁହିଁ ବିରଞ୍ଚି ଯେ କୁମାର। ନାରଦ ଆଦି ମୁନିବର।
ଇନ୍ଦ୍ରାଦି ଯେତେ ଦେବବର। ନ ଜାଣୁ ମହିମା ତାହାର।
ତାହାର ପ୍ରିୟ ନାହିଁ କେହି। ଅପ୍ରିୟଜନ କେହି ନାହିଁ।
ମିତ୍ର ଅଇରି ନାହିଁ ଯାର। ସମାନ ଦେଖେ ଆତ୍ମପର।
ସକଳ ପ୍ରାଣୀଙ୍କର ପ୍ରିୟ। ଯେଣୁ ସେ ସର୍ବଭୂତମୟ।
ଏ ଚିତ୍ରକେତୁ ମହାଭାଗ। ତା ଠାରେ ବିଷ୍ଣୁ ଅନୁରାଗ।
ସର୍ବତ୍ର ସମଦୃଷ୍ଟି ଏହି। ଅଚ୍ୟୁତ ପ୍ରିୟ ଯେହ୍ନେ ମୁହିଁ।
ମହାତ୍ମାପୁରୁଷ ଯେ ସେହି। ଏଣୁ ବିସ୍ମୟ ତାର ତହିଁ।
ନକର ସ୍ଥିରକର ମନ। ବିଷ୍ଣୁଭକତ ଏହୁଜନ।
ସମଦରଶୀ ଶାନ୍ତ ସେହି। ବିସ୍ମୟ ଏଥି ଅଛି କାହିଁ।
( ଅତିବଡ଼ି ଜଗନ୍ନାଥ ଦାସଙ୍କ ଓଡ଼ିଆ ଭାଗବତ, ଷଷ୍ଠ ସ୍କନ୍ଧ ,ସପ୍ତଦଶ ଅଧ୍ୟାୟ )
#ପ୍ରସଙ୍ଗ - ମାତା ପାର୍ବତୀଙ୍କର ରାଜା ଚିତ୍ରକେତୁଙ୍କୁ ଅଭିଶାପ
#ଅର୍ଥ - ଭଗବାନ ଶିବ କହିଲେ , ହେ ପ୍ରିୟେ ପାର୍ବତୀ ! ମୁଁ, ବ୍ରହ୍ମା , ସନତକୁମାର ଆଦି , ଦେବର୍ଷି ନାରଦ , ମୁନିଗଣ ଓ ଇନ୍ଦ୍ରାଦି ଦେବତାଗଣ ଆମ୍ଭେସବୁ କେହି ବି ସେହି ଭଗବାନଙ୍କର ମହିମାକୁ ଜାଣି ପାରୁନା। ତାଙ୍କର କେହି ପ୍ରିୟ ନୁହେଁ କି କେହି ଅପ୍ରିୟ ନୁହେଁ, କେହି ମିତ୍ର ନୁହେଁ କି କେହି ଶତ୍ରୁ ନୁହେଁ ଓ କେହି ନିଜର ନୁହେଁ କି କେହି ପର ନୁହେଁ। ତାଙ୍କ ନିକଟରେ ସମସ୍ତେ ସମାନ ଅଟନ୍ତି। ସେହି ପ୍ରଭୁ ସକଳ ପ୍ରାଣୀମାନଙ୍କର ଆତ୍ମା ହୋଇଥିବାରୁ ସେ ସକଳ ପ୍ରାଣୀମାନଙ୍କର ପରମ ପ୍ରିୟ ଅଟନ୍ତି। ଏହି ମହା ଭାଗ୍ୟବାନ ରାଜା ଚିତ୍ରକେତୁଙ୍କ ଉପରେ ଭଗବାନଙ୍କର କରୁଣା ରହିଛି ଓ ସେ ଭଗବାନ ବିଷ୍ଣୁଙ୍କର ଅତ୍ୟନ୍ତ ପ୍ରିୟ ଭକ୍ତ ଅଟନ୍ତି। ତାଙ୍କ ମନରେ ରାଗ ଓ ଦ୍ୱେଷ ଆଦି ଭେଦଭାବ ନାହିଁ ଓ ସେ ସକଳ ପ୍ରାଣୀମାନଙ୍କୁ ସମାନ ଦୃଷ୍ଟିରେ ଦେଖିଥାନ୍ତି। ମୁଁ ମଧ୍ୟ ସେହିପରି ସେହି ଭଗବାନ ବିଷ୍ଣୁଙ୍କର ଅତ୍ୟନ୍ତ ପ୍ରିୟ ଅଟେ। ତେଣୁ ତୁମ୍ଭେ ଭଗବାନ ବିଷ୍ଣୁଙ୍କର ସେହି ପରମଭକ୍ତ , ଶାନ୍ତ ଓ ସମଦର୍ଶୀ ମହାତ୍ମା ଚିତ୍ରକେତୁଙ୍କର ସ୍ଵଭାବ ଓ ଆଚରଣକୁ ଦେଖି ସେଥିରେ କୋୖଣସି ପ୍ରକାର ବିସ୍ମୟ ପ୍ରକଟ ନକରି ନିଜ ମନକୁ ଶାନ୍ତ କର।
#ଭାବାର୍ଥ - ଭଗବାନ ସକଳ ପ୍ରାଣୀମାନଙ୍କର ଆତ୍ମା ହୋଇଥିବାରୁ ସେ ସକଳ ପ୍ରାଣୀମାନଙ୍କର ପରମ ପ୍ରିୟ ଅଟନ୍ତି। 
 
 
 
 
 
🙏🏻 ଜୟ ଜଗନ୍ନାଥ🙏🏻
ଆପଣ ଜଗନ୍ନାଥ ମୂର୍ତ୍ତି ଖୋଜୁଛନ୍ତି କି ? ତାହେଲେ ଆପଣ WWW.ODISHASHOP.COM ସର୍ଚ କରନ୍ତୁ ......

Comments

Post a Comment

DevOdia

Lingaraj temple

  Lingaraj temple was built in the 11 th century AD. It is dedicated to Lord Shiva. It is also known as the “The largest temple of Bhubaneswar”. The Somvanshi King Yayati II built the Lingaraja temple. This temple is built from the Redstone. Lingaraja temple is a classic example of architecture in the Kalinga style. The temple complex has 150 shrines. Lingaraj is also known as “Swayambhu” , which means self-originated Shivling. How to Reach: The nearest bus stop is the Bermuda bus stand in Bhubaneswar, from where you can board a private or local bus. The nearest railway station is Bhubaneswar railway station which is approximately 6 km from the temple. If you want to reach here by flight, the Biju Panik Airport is approximately 6 km from the temple. After that, you can take a taxi to reach the temple.     Odishara DevaDevi Book AvailAble HERE
Read more

ଅଁଳା ନବମୀ

Image
  କାର୍ତିକ ମାସରେ ଅଁଳା ନବମୀ ପାଳନ କରାଯାଏ । ଏମିତି ମାନ୍ୟତା ଅଛିକି ସେହି ଦିନ ଭଗବାନ ଗୋକୁଳ ଛାଡି ମଥୁରା ଯାଇଥିଲେ । ଏହି ଦିନ ମହିଳାମାନେ ଜଲ୍ଦି ଉଠିକି ଗାଧୋଇ  ସଫା କପଡା ପିନ୍ଧିକି ଅଁଳା ଗଛର ପୂଜା କରିଥାନ୍ତି । ଗଛରେ କ୍ଷୀର ଢାଳି ନାଲି ସୂତାରେ ଅଁଳା ଗଛର ୮ ଥର ନହେଲେ ୧୦୮ ଥର ପରିକ୍ରମା କରନ୍ତି । ସମସ୍ତେ ବସି କଥା ଶୁଣିଥାନ୍ତି ଓ ଗଛ ପାଖରେ ହିଁ ଭୋଜନ କରିଥାନ୍ତି । ଏମିତି କୁହାଯାଏକି ଅଁଳା ନବମୀ ବ୍ରତ ସନ୍ତାନ ପ୍ରାପ୍ତି ଓ ପରିବାରର ସୁଖଶାନ୍ତି ପାଇଁ କରାଯାଇଥାଏ । ଆସନ୍ତୁ ଜାଣିବା ଅଁଳା ନବମୀ ବିଷୟରେ । ଜଣେ ସେଠ ସେଠାଣି ଥିଲେ, ତାଙ୍କର ପାଞ୍ଚ ପୁଅ ଓ ପାଞ୍ଚ ବୋହୁ ଥିଲେ । ସେଠ ସେଠାଣି ବହୁତ ଧାର୍ମିକ ପ୍ରବୃତିର ଥିଲେ, ତାଙ୍କ ପାଖରେ ଏତେ ସୁନା ଚାନ୍ଦି, ଟଙ୍କା ପଇସା ଥିଲା ।ଧନ ଏତେ ଥିଲାଜେ ତାକୁ ରଖିବା ପାଇଁ ବହୁତ ଚାକର ଥିଲେ ତାକୁ ଗଣିବା ବଦଳରେ ଓଜନ କରି  ରଖୁଥିଲେ ।  ସେଠାଣିର ଗୋଟେ ନିୟମ ଥିଲା ସେ ପ୍ରତିଦିନ ପୂଜା କରି ସୁନାର ଅଁଳା ଦାନ କରୁଥିଲା । ତାପରେ ହିଁ ଭୋଜନ କରୁଥିଲେ । ଏହିଭଳି ସେଠ ସେଠାଣି ଆରମରେ ରହୁଥିଲେ । ଗୋଟେ ଦିନ ସେଠାଣିର ବୋହୁ ଭବିଲା ଯଦି ଶାଶୁ ମା ପ୍ରତିଦିନ ସୁନାର ଅଁଳା ଦାନ ଦେବେ କିଛି ଆଉ  ରହିବନି ଆମ ପାଖରେ । ଆଉ ସବୁ ବୋହୁମାନେ ମିଶିକି ଶାଶୁଙ୍କୁ କହିଲେ ସେନା ଅଁଳା ଜାଗାରେ ଗୋଟେ ସାଦା ଅଁଳା ଦା...
Read more